| Ábhair
agus Déantúsaíocht |
 |
Déantar
na fliúiteanna uile as Adhmad Dubh Afraiceánach seachas má
deirtear a mhalairt. Déantar na fliúiteanna i dtrí
phíosa. An ceann, an corp, ar a bhfuil na sé poill
méire, agus an chois. Bíonn gréasadh airgead
nicileach (airgead Gearmánach) ar na huirlisí neamheochracha
agus airgead dea-mhianaigh sa ghréasadh agus sna heochracha
sna huirlisí eochracha. T·ásleamhn·n
tin·la d'airgead nicileach sna huirlisÌ uile. Tá
airgead dea-mhianaigh ró-bhog don ngnó seo). deantar
an 'corc' ar chúl an chinn sa bhéalóg de
ghnáth as corc nó as adhmad dubh agus corc leis.
Sa lá atá inniú ann déanaim na cinn-choirc
as cineál plaistigh agus corc leis. An chúis atá
leis seo ná go n-atann corc nó na coirc adhmaid
an-fhuirist agus is féidir go dtiocfaidis sáite
sa phíopa. Má chrapann siad, rud a dhéanann
nuair a bhíonn an corc tirim, is féidir go mbogfadh
an corc, rud a chuirfeadh as don dtiúnadh inmheánach
san uirlis. Seachnaítear an fhadhb seo le coirc phlaisteacha.
Sé
an t-ábhar atá sna spriongí cornacha ar na
heochracha sna huirlisí eochracha ná cruach domheirgthe
seachas spriongaei práisithe mar a bhíodh go traidisiúnta.
Is fuirist na spriongaí seo a athnuachaint, ní thagann
meath orthu ná ní bhriseann siad, agus tugann siad
mothú méire an-chothrom do gach eochair. Don té
gur mian leis/léi cloí leis an nós traidisiúnta,
is féidir spriongaí den sean-déanamh práisithe
nó copar-nicileach a chur leis na heochracha. Cuirtear
corc sna hailt, agus cuirtear cuisín leathair d'ard-chaighdeán
faoi na heochracha. Is mar an gcéanna go díreach
na fliúiteanna eochracha agus neamheochracha ó thaobh
déantúsaíochta.. Cé go moltar don
tosnaitheoir an fhliúit neamheochrach a sheinnt is den
dearadh agus den gcaighdeán díreach céanna
é leis an bhfliúit eochrach, atá níos
costasúla.